Kunxuswa abashayeli bezimoto ukuba baziphathe kahle njengoba kuza uSuku lweNtsha

Ngaphambi KoMgubho Wosuku Lwentsha Amaphoyisa Omgwaqo aseGauteng anxuse abashayeli ukuthi baziphathe kahle.

Isikhulumi, uSello Marremane, uthe kulindeleke ukuthi kunyuke umthamo wezimoto njengoba intsha isiqala imigubho kaJune 16, isilibangise ezindaweni ezahlukene.

OLUNYE UDABA: Umengameli ufisela abakuleli iphasika elihle neliphephile

UMaremane uthi izibalo zikhomba ukuthi ngabantu abasha abanesibalo esiphezulu sabantu abashona ezingozini zomgwaqo minyaka yonke. Ngakho-ke, ukushayela ngaphansi kwengcindezi yotshwala nokuhamba ngesivinini esiphezulu angeke kubekezelelwe.

“Kubalulekile ukuthi intsha yazi ukuthi izinkampani eziningi azibaqashi abantu abanamarekhodi obugebengu adalwa wukungaziphathi kahle, njengokuphuza udle amanzi amponjwana noma ukushayela ngesivinini esiphezulu. Yingakho-ke intsha yethu inxuswa ukuthi ibazi ubucayi bokuhambisana nomthetho. Siqinise umthetho ngaphambi kwale migubho ukuze siqinisekise ukuthi wonke umuntu uphephile.”

SABC

Sithole ezinkundleni zokuxhumana

Landela kwi – WhatsApp Channel yethu Izwi Lomzansi 98.0fm

Slandele ku-Facebook no-X (owayekade engu-Twitter)