ISouth African Revenue Service ithi iyaqeda ngomkhuba wokwehlisa izinga likaphethiloli okubandakanya ukuxutshwa kukadizili nophalafini ngokungemthetho.
Iziphathimandla zithe lokhu konakala kwemikhiqizo kaphethiloli kudla izwe imali elinganiselwa ku-R3.6 billion minyaka yonke emalini elahlekayo.
U-SARS uthe ezinyangeni ezisanda kwedlula wenze imikhankaso eminingi yokuthungatha nokushaqa okubhekiswe ezindaweni ezigcina uphethiloli kanye namadepho.
OLUNYE UDABA: Izothi ukwehla kancane intengo kaphethiloli kule nyanga
Uphiko olubhekelele ukuqoqwa kwezimali, lusebenzisana namaphoyisa, luthe luhlonze izindawo ezingu-23 KwaZulu-Natal, Gauteng naseMpumalanga.
Bashaqe amalitha angaphezu kuka-950,000 kadizili ongalungile kanye nempahla ebiza okungenani u-R6 million.
Amaloli kaphethiloli angu-12 nawo ashaqwa ngenxa yezinsolo ezingesilo iqiniso zokungenisa impahla.
Abakwa-SARS bathe sebevule amacala obugebengu angu-13 kanti kusaphenywa.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
