Kushone abasolwa abane esigamekweni sokudubulana namaphoyisa, kwaboshwa abayisikhombisa, endaweni yaseWoodlands, eMontclair, eningizimu yeTheku, namuhla ntambamba.
Amaphoyisa ancinzwe indlebe mayelana nokuthi bakuphi abasolwa abebefunelwa amacala okuphanga amabhizinisi kwisiFunda saseThekwini namaphethelo, kubalwa nesigameko sakamuva sokubamba inkunzi isitolo sobucwebe oThongathi ngoLwesine.
OLUNYE UDABA: Kusale enkundleni abasolwa ababili kudutshulwana namaphoyisa eGlebelands, eMlazi
Ngesikhathi amaphoyisa efika emzini okuGlanville Road, ophinde ube yindlu yokuqashisa, kuqhum,e inganono phakathi kwamaphoyisa nabasolwa. Ngesikhathi kudutshulwana, kushone abasolwa abane. Kuboshwe abanye abasolwa abayisikhombisa benamanxeba okudutshulwa. Kutholwe izibhamu ezintathu kanti ukuthungathwa kwabasolwa ababalelwa kwabahlanu abakwazile ukubaleka kusaqhubeka.
Abasolwa ababoshiwe bazoqashwa ngamaphoyisa esibhedlela kanti bazovela enkantolo uma sebeluleme.
IZITHOMBE:
