UMengameli uCyril Ramaphosa unethemba lokuthi usecindezele inkinobho yokwenza kabusha odabeni lwezohwebo nokutshalwa kwezimali ne-United States.
URamaphosa ekhuluma kulandela izingxoxo zangoLwesithathu ebusuku eWhite House, uthe iWashington iyawuvula umnyango wokuxoxisana.
OLUNYE UDABA: Kugqame olwamaBhunu emhlanganweni kaRamaphosa noTrump
“Kungijabulisile ukuthi kunesivumelwano esiqinile kanye nokuzibophezela kokuthi sizoqhubeka nokuxhumana, ngakho-ke akukho ukuhlukana. Kuthina, lowo bekungomunye wemiphumela ebalulekile ebesiyifuna.”
URamaphosa ubephelezelwa yithimba laseNingizimu Afrika, ebelihlanganisa ongqongqoshe bakahulumeni, usomabhizinisi ongusozigidi uJohann Rupert kanye nabadlali begalofu, u-Ernie Els noRetief Goosen ohambweni lwakhe lokuya eHhovisi le-Oval.
Obekuhamba phambili kulolu hlelo bekuwukuhlenga ubudlelwano bezokuxhumana, kucaciswe ukuthi izwe limi kuphi ngenqubomgomo yezangaphandle kanye nohwebo.
URamaphosa noMengameli uDonald Trump bahlanganyele isidlo ndawonye, ngemuva kokuxoxisana kwabo empakathini, ngaphambi kokungena odabeni abaluhambele.
URamaphosa ubikele izintatheli ngemuva kwalokho.
“Enye yezinyathelo ezibalulekile zokwakha ukuzethemba ukusebenzelana okuzoqhubeka ekutshalweni kwezimali ezindlekweni nasekusunguleni isimo sokutshalwa kwezimali eNingizimu Afrika, kanye nokufinyelela kwethu ezimakethe zaseMelika kanye nezingxoxo eziqhubekayo nge-agoa manje sekuzolandela ngokuzimisela okukhulu ukuya phambili.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEditEditEditEditEdit
