Ukuthungathwa komshayeli wetekisi ngemuva kwengozi yaseKZN kulimale abafundi abangu-20.
Amathimba abomthetho eKZN aphume umkhankaso wokuthungatha umshayeli wetekisi ebandakanyeka engozini eshiye kulimele izingane ezingu-20.
OLUNYE UDABA: Kuthungathwa abasolwa ngokuzama ukubamba inkunzi imoto yemali eKZN
Ingozi yenzeke ebhulohweni laKwaKhetha eMpendle ngoMsombuluko ekuseni.
Iziphathimandla zithi itekisi liphaphalazile laphuma emgwaqeni layophonseka amamitha ambalwa phansi kwebhuloho.
Okhulumela iKZN Transport uNdabezinhle Sibiya uthi umshayeli wetekisi ubalekile endaweni yesigameko.
“Kuphuthunyiswe abafundi baseMatomela High School, Luthando High School naseSthunjwana Primary School eGomane Clinic naseHarry Gwala Regional Hospital.
“Okubuhlungu ukuthi le ngozi yesithathu ebandakanya ukuthutha abafundi besikole eMgungundlovu District zingakapheli izinsuku ezine.”
Kushone abafundi abane kwenye ingozi yetekisi eMbali ngesonto eledlule. Kukholakala ukuthi umshayeli uhlulekile ukuyilawula itekisi yashayisa inkulisa.
