Kuqhuba kahle ukulungiswa kwe-Kings Park Swimming Pool yeTheku kusetshenziswa imali engu-R42 million kanti kulindeleke ukuba kuphothulwe ngonyaka ozayo.
NgoLwesihlanu abezindaba babe kule ndawo ukuyozwa nokuyobona ukuba umsebenzi usuhambe wafika kuphi njengoba ukulingiswa kwalesi sikhungo esineminyaka engu-100 sakhiwa kuqale ngoNovember 2024.
Umqondisi Osabambile oPhikweni lwezokuNgcebeleka namaPaki uDkt Zakhi Mkhize uthe isigaba esiphuthumayo sokulungiswa kabusha sesiphelile njengoba umsebenzi wenziwa ngezigaba ezimbili.
Isigaba sokuqala sokulungiswa kwezimo eziphuthumayo siqale ngoMay kulandela isivunguvungu somoya esacekela phansi ingqalasizinda.
OLUNYE UDABA: IZITHOMBE: IMeya yeTheku izibophezele ekusheshiseni ngokulungisa izindawo okulothiswa kuzo
Isigaba sesibili sokulungiswa kwale pool yiso esiqalayo manje kanti kulindeleke ukuthi siphothulwe ngoJuly 2026.
UMkhize uthe iKings Park Swimming Pool ingenye yezindawo zokubhukuda ezihamba phambili kuleli futhi iwukuphela kwesikhungo sokubhukuda eNingizimu Afrika esinesikhundla seWorld Aquatics, esihlonishwa yi-International Olympic Committee ngokusingatha imiqhudelwano yokubhukuda yamazwe ngamazwe.
Indawo yangaphakathi ine-swimming pool engamamitha angu-50 kanti indawo yangaphandle yona ine-divin pool elingamamitha angu-25 ubude nelijule ngamamitha angu-6.5.
Ukulungiswa kabusha kwale swimming pool kuyingxenye yohlelo lweDolobha lokulungisa zonke izindawo zalo zokubhukuda.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
