Namuhla iNkantolo eNkulu yaseGqeberha izolalela ingxenye yokuqala yohlelo lokudlulisa amacala ombuso mayelana nokuhoxiswa komfundisi waseNigeria uTimothy Omotoso nabanye ababili abekwe nabo amacala okushushumbisa abantu nokudlwengula.
Abashushisi nabameli baka-Omotoso bazophikisana enkantolo mayelana nesicelo sombuso sokucaciswa kwemiphumela eyiqiniso evela ejajini.
OLUNYE UDABA: UseseLagos u-Omotoso odingiswe kuleli iminyaka emihlanu
IJaji u-Irma Schoeman uthole ngo-April ukuthi umbuso awuzange uveze ubufakazi obungangabazeki bokuthi u-Omotoso nasolwa naye bawenza amacala.
Okhulumela iNational Prosecuting Authority (NPA) uMthunzi Mhaga uthe uMbuso uthumele isicelo sokuthi kucaciswe ngemiphumela.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
