UMnyango Wezasekhaya uthi umfundisi waseNigeria uTimothy Omotoso uvinjelwe ukungena eNingizimu Afrika iminyaka emihlanu ezayo.
U-Omotoso ufulathele elakuleli ngeSonto ngemuva kokuboshwa ngabaphathi bomnyango wokufika e-East London ekuqaleni kwenyanga.
Ukuboshwa kwakhe kwenzeke ngemuva kwamasonto ambalwa iNkantolo eNkulu yase-Eastern Cape imthole engenacala emacaleni angaphezu kuka-30, okubalwa awokudlwengula nokushushumbisa abantu, abebekwe wona.
Ubegcinwe ejele kusukela aboshwa okokuqala eGqeberha eminyakeni eyisishiyagalombili edlule.
Okhulumela umnyango, uSiya Qoza, uthi bayakwamukela ukuhamba kwakhe.
OLUNYE UDABA: I-NPA iphenya ngokuziphatha kwabashushisi ecaleni lika-Omotoso
“Lokhu kuza ngemuva kokuthi uNgqongqoshe woMnyango wezaseKhaya esichithile isicelo esifakwe ngu-Omotoso ngokwesigaba 87 somthetho i-Immigration Act. Lowo wayefuna kuchithwe isinqumo sangaphambilini somnyango sokumemezela u-Omotoso njengomuntu ongavunyelwe kuleli.
“Isinqumo sikangqongqoshe besisho ukuthi u-Omotoso ubeseNingizimu Afrika ngokungemthetho. Ngokuhamba kwakhe u-Omotoso ubesengumuntu ongavumelekile kanti njengoba kuthiwa ubekuleli ngokungemthetho, wakhishwa ngesaziso njengomuntu ongafunwa nokusho ukuthi ngeke akwazi ukubuyela kuleli iminyaka emihlanu.
“Uma sekuphela iminyaka emihlanu yokuvinjelwa, kuzodingeka ukuthi afake isicelo sokuthi kuqedwe ukwenqatshelwa kwakhe.”
U-Omotoso ufulathele elakuleli ngoMgqibelo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
