Iziphathimandla ziphenya isigameko sokudubulana ngemuva kokubulawa komuntu oyedwa esigamekweni okusolwa ukuthi senzeke emgwaqeni endaweni yaseMlazi, eningizimu yeTheku.
Abezimo eziphuthumayo bathi owesilisa okukholakala ukuthi uneminyaka ebalelwa kweko-40 ubudala udutshulwe amahlandla amaningi ngeSonto.
Kubikwa ukuthi isizulu sibe nengxabano nomunye umshayeli.
OLUNYE UDABA: Akukaboshwa muntu kwesokubulala ethaveni eKZN
Okhulumela abezimo eziphuthumayo Ials Paramedics uGarrith Jamieson,”Abezimo eziphuthumayo bafike endaweni yesigameko bafica amaphoyisa ophiko lwe-SAPS esevele ekhona nendawo isivaliwe.
“Abezimo eziphuthumayo bakhonjiswe indoda ebidindilize phansi eduze kwemoto yayo yohlobo lwe-SUV.”
Abezimo eziphuthumayo kubikwa ukuthi alukho abebesangakwenza ukuhlenga impilo yesisulu esimeninyaka esibalelwa kweko-40 ubudala, wabe esehlonzwa njengoshonile khona endaweni yesigameko.
“Kusolwa ukuthi kube nokuhilizisana phakathi kwabashayeli ababili okuholele ekutheni kudutshulwe.”
Amaphoyisa abesendaweni yesigameko azoqhubeka nophenyo.
