Inyunyana i-South African Federation of Trade Unions (SAFTU) inxusa ukungenelela okuphuthumayo ekumisweni lokho ekubiza ngokuthi ukuqeda izimboni, ukuvalwa kwefemi kanye nokuthengiswa ngobuningi komnotho wezwe.
Le nyunyana yabasebenzi igxeke izinhlelo ze-British American Tobacco (BAT) zokuvala ifemu yayo okukhiqizwa kuyo ugwayi ekupheleni konyaka.
Le nkampani ibalule ngamaqembu obugebengu abusa imboni njengesizathu esiyiphambili, njengoba ugwayi ongekho emthethweni manje izinga liphezu ngamaphesenti angu-75 emakethe.
OLUNYE UDABA: IZITHOMBE: Amaphoyisa abambe abakhiqizi botshwala obungekho emthethweni eMlazi
UNobhala Jikelele we-SAFTU uZwelinzima Vavi uthi nabo baphikisana noMthethosivivinywa Wokulawula Imikhiqizo Kagwayi kanye Nezinhlelo Zokulethwa Kwe-Electronic Delivery Systems Contool Bill osazacatshangelwa ePhalamende njengamanje.
“IPhalamende akumele liphasise, siyaphinda, umthethosivivinywa wokulawula ugwayi ngesimo sawo samanje. Le nqubo kumele imiswe ngokushesha. Esimweni sayo samanje, lo mthethosivivinywa uzokwenza buthaka abakhiqizi abasemthethweni, kusizakale labo abakhiqizi abangekho emthethweni, wenze kuvalwe amafemu ngesikhulu isivinini ebese uqeda izinkulungwane zemisebenzi yokukhiqiza esele. Awukwazi ukuvumela ukuvalwa izinkampani ezithobela imithetho ekubeni izigebengu zisebenza ngokukhululeka.”
