Amaphoyisa athungatha umsolwa ophunyuke kudutshulwana ngezinsolo zokubamba inkunzi imoto yemali endaweni yaseMarianhill, entshonalanga yeTheku, ngoMgqibelo ebusuku.
Omunye okusolwa ukuthi ubehamba naye udutshulwe wabulawa kanti omunye waboshwa.
Okhulumela amaphoyisa esifundazweni, uRobert Netshiunda, uthe amaphoyisa asondele emotweni ngenxa yokukhathazeka ngokuziphatha okusolisayo.
OLUNYE UDABA: IVIDEO: Kuthungathwa ababambe imoto yemali KwaMashu Highway
Uthi abebephakathi kule moto bavulele ngenhlamvu bebhekise kwithimba lamaphoyisa kwabe sekudutshulwana.
UNetshiunda uthi ngokuhamba kwesikhathi kwatholakala ukuthi omunye wabagibeli ube yisisulu sokudunwa nokuthunjwa ngesikhathi imoto yebiwa KwaMakhutha phambilini.
“Amaphoyisa athungatha umsolwa osolwa ngokubamba inkunzi imoto yemali okukholakala ukuthi ubecashe eMarianhill. Lo msolwa uvulele ngenhlamvu ebhekise emaphoyiseni. Kutholakale isibhamu.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-Twitter)EditEditEdit
