INkantolo eNkulu yaseGoli igwebe abantu abadabuka eChina abayisikhombisa iminyaka engu-20 bebhadla ejele ngamacala okushushumbisa abantu.
La bantu bagwetshwe ngoLwesithathu ekuseni.
OLUNYE UDABA: “U-Omotoso ubephila ‘butebhu’ esesitokisini”
NgoMarch, inkantolo yabalahla bonke abayisikhombisa ngamacala angu-158 kwangu-160 ahlobene nokushushumbiswa kwabantu bokufika kuleli ngokungemthetho nokubasebenzisa ngenkani.
Baboshwe ngemuva kokuba amaphoyisa elunywe indlebe ngefemu engekho emthethweni eqashe abokufika, nokwenze ukuthi bagasele.
Ngesikhathi kugaselwa efemini yabasolwa i-Beauty City, kutholwe abantu abangu-91 abadabuka eMalawi kanti abangu-37 kubo yizingane.
