UMkhandlu we-E-Hailing waKwaZulu-Natal uthi uphenyo olwenziwe ngabakwaBolt abutholanga bufakazi bezinsolo zokuthunjwa kowazakhela udumo ngamahlaya ezinkundla zokuxhumana.
Ngesonto eledlule umndeni kaSimthande Myeza uthi wathunjwa ngesikhathi egibele iBolt, endaweni yaseMbilo, eThekwini.
Umndeni kaMakaTha uthi wayiswa endaweni engaziwa, lapho afike abanjelwa khona inkunzi kwakhishwa yonke imali yakhe eyayisebhange kusetshenziswa i-App yehange alisebenzisayo.
OLUNYE UDABA: Odume ngelikaMakaTha ubanjwe inkunzi abashayeli beBolt eThekwini
Lo mndeni uthi izigilamkhuba zafuna inkokhelo ngemuva kokubona ukuthi ungubani base bemdedela ngakusasa.
Lesi sigameko sisuse umsindo ezinkundleni zokuxhumana, abanye bethi akudutshwe iBolt.
Esitatimendeni, inkampani iBolt ithe uphenyo lwayo alutholanga bufakazi bokuthi isigameko senzeke ngesikhathi esohambweni lwakhe.
Le nkampani ithi ekutholile yenza uphenyo isikudlulisele emaphoyiseni kanti futhi icabanga ukuthathela uSimthande izinyathelo zomthetho ngalokhu ekubiza ngezinsolo zokwehlisa isithunzi.
Amaphoyisa akuqinisekisile ukuthi ayaluphenya lolu daba.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
