Sekujutshwe i-South African National Defence Force endaweni yaKwaDabeka eClermont, entshonalanga yeTheku, kulandela ukugqekezwa nokutasthwa kwezitolo eziningi endaweni.
Kungenelwe izitolo ezimbili ezinkulu kanye nendawo kadokotela wamazinyo ebusuku. Kwebiwe imishini nenye impahla ngesikhathi sezehlakalo.
OLUNYE UDABA: Lizoqala ukuqulwa ngoJuly elabasolwa ngezibhelu zangoJuly 2021
Amalungu e-SANDF abegcwele endaweni yezitolo namuhla ekuseni.
Umphathi wendawo yezitolo uMohammed Abdul uthi umonakalo ufinyelela ezigidini zamarandi. Uthi izitolo bezivalile usuku lonke lwangoLwesibili ngenxa yomkhankaso wokulwa nabokufika abangenazo izincwadi owenzeka kulo lonke elaseNingizimu Afrika.
U-Abdul uthi zingu-19 izakhamuzi zendawo ezisebenza kulezi zitolo.
Izithombe:
