Icala lenkohlakalo lowayenguMengameli wakuleli, uJacob Zuma, selibuyele eNkantolo eNkulu yaseMgungundlovu.
Inkantolo kulindeleke ukuthi ikhiphe isinqumo sokuthi azohoxiswa yini amacala abethweswe wona enkampanini yezikhali yaseFrance iThales.
Ngo-April, yafaka isicelo, ithi icala ngeke liqhubeke ngemuva kokushona kofakazi ababili ababalulekile.
OLUNYE UDABA: Ibhuntshile imizamo kaZuma yokususa umshushisi ecaleni lakhe
Le nkampani isolwa ngokukhokhela uZuma ukuze avikeleke kwezombusazwe.
Uma isicelo seThales siphumelela, uZuma ufuna ahoxiswe namacala akhe.
Bobabili uZuma neThales babhekene namacala enkohlakalo, ukukhwabanisa, ukushushumbisa imali nokukhwabanisa.
Konke kuxhumene nesivumelwano sezikhali sango-1999 esabiza izigidigidi zamarandi.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
