Phaahla – ‘Ukutsetsisa’ i-vaping kwandisa umkhuba oyinkathazo kwintsha yakuleli

IPhini likaNgqongqoshe Wezempilo, uDkt. Joe Phaahla, uthi ukunconywa kwemikhiqizo kagwayi enephunga elimnandi kudala umkhuba okhathazayo kubantu abasha eNingizimu Afrika.

Ugwayi usalokhu uyimbangela ehamba phambili yokufa obekungagwemeka emhlabeni jikelele, kanti uthwalisa kanzima izinhlelo zezempilo zomphakathi.

ITobacco Products and Electronic Delivery Systems Control Bill efuna ukuphoqelela ukupakishwa okungenamhlobiso, iphinde yandise izindawo okungabhenyelwa kuzo, njengamanje iphambi kwePhalamende.

OLUNYE UDABA: ISITHOMBE: Kutholakale izidakamizwa esithuthuthwini i-Uber eat

UPhaahla ekhuluma engqungqutheleni yeWorld No Tobacco Day eMidrand, eGoli, uthe ukunyuka kokubhenywa kwe-vaping kubantu abasha kuyashaqisa futhi kubhebhezela kwisizukulwane esisha sokuluthwa yi-nicotine.

U-Phaahla ugcizelela ukuthi ucwaningo lwakamuva luveze ukuthi umfundi oyedwa kwabahlanu esikoleni samabanga aphezulu ubhema i-vape kanti amanye amakilasi abika izibalo eziphezulu zabazibandakanya nalo mkhiqizo.

“Le ntsha isheshe yahuqana ne-nicotine okuyinto eyibeka engcupheni yokukhwantalala, ingcindezi, ukungenzi kahle esikoleni neminye imiphumela engemihle yezempilo,” kunezela uPhaahla.

#SayNoToTobaccoAndVaping
📢 Today is not just a day on the calendar – it's a demand for action to unmask the lies:
🚫 Enough with the flavoured vapes near schools.
🚫 Enough with hubbly lounges in our townships.
🚫 Enough with youth-targeted marketing.#ProtectOurNext pic.twitter.com/01056tHygn
— National Department of Health (@HealthZA) June 2, 2025