Izovuselelwa ngeminye iminyaka emihlanu inkontileka kaKhomishana wamaPhoyisa aKwaZulu-Natali uNhlanhla Mkhwanazi.
Lokhu kushiwo umphathi wamaphoyisa kazwelonke uJenene Fannie Masemola.
Inkontileka kaMkhwanazi yayihlelelwe ukuba iphele ekupheleni kukaMarch 2026.
UMasemola uthe imininingwane yokwelula inkontileka isemaphethelweni.
OLUNYE UDABA: UNtuli usekela uMkhwanazi ngokuthi aqhubeke nokuhola amaphoyisa eKZN
“Sisezinhlelweni zokuphothula leyo mininingwane. Ngakho-ke yebo, usazoba nguKhomishana wesifundazwe saseKZN.”
“Sinobudlelwano obuhle bokusebenza futhi uNdunankulu uvumile ukuvuselelwa kwenkontileka,” kusho uMasemola.
Ngaphambilini kulo nyaka, uNdunankulu waseKZN uThamsanqa Ntuli wavuma ngokusemthethweni ukuvuselelwa kwenkontileka.
