UNdunankulu waKwaZulu-Natal, uThami Ntuli, kulindeleke ukuthi avakashele umndeni wezilamani ezimbili okusolwa ukuthi zidlule emhlabeni ngenxa yodlame lobulili, iGender Based Violence (GBV) endaweni yaseLindelani,eMzinto, eNingizimu yeTheku namuhla.
Umsolwa udubule wabulala intombi yakhe nodadewabo ngaphambi kokuzibulala ewadini laseNkonka eLindelani.
Inhloso yohambo lukaNtuli ukuzwelana nomndeni oshonelwe, ukuxhumana neziphathimandla zomthetho kanye nokuqinisa ukuzibophezela kukahulumeni wesifundazwe ekulweni nesahlava se-GBV ngobulungiswa, ukweseka izisulu nezindlela zokuvikela.
OLUNYE UDABA: Umphakathi ungqongqise umuzi “wowabulala wangcwaba” umshana umndeni ungazi
Okhulumela amaphoyisa uThenjiswa Ngcobo uthe, ngeSonto kuvulwe amacala okubulala, ukuzama ukubulala nedokodo ngemuva kwesigameko lapho owesilisa okusolwa ukuthi udubule wabulala izelamani ezimbili walimaza nowesifazane obengumakhelwane wabo.
Ngokombiko weTimesLive, uNgcobo uthe: “Umakhelwane uphuthunyiswe esibhedlela.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
