Ufuna ubulungiswa umndeni waseMolweni eThekwini ngemuva kokungcwatshwa kwelungu lomndeni uThuleleni Shabalala ungazi.
Kuzwakale ukuthi uThuleleni Shabalal wagcwantshwa ngumalume wakhe obemnakekela ngonyaka odlule kanti futhi usayihola imali yesibonelela sakhe.
Lokhu kudalulwe ngumalume ngemuva kwesikhathi eside kade enfihlile engafuni ukuthi umndni wazi, elibele ethi uyagula akekho esimeni sokuba abonwe ngabantu.
Kukholakala ukuthi iqiniso liphume ngemuva kokuba indodana kaThuleleni ifune ukubona unina ngenkani.
OLUNYE UDABA: Kuhlengwe abakuleli ababethenjiswe imisebenzi eThailand
Kuzwakale nokuthi kukhona nelinye ilungu lomndeni ebelihlala nomalume elingekho esimeni esikahle ngokwengqondo nalo elingaziwa ukuthi likuphi. Igama laleli lungu nguLucia Shabalala.
Umphakathi wendawo yaseMolweni ku-ward 9 ushise umuzi walo malume kulandela ukuzwa udaba nokutholakala kwesidumbu okukholakala ukuthi ngesikaThuleleni sigqishwe ngemuva kwendlu.
Isidumbu sitholwe esikhwameni sokufaka izimpahla zokujima kanti kukholakala ukuthi saqotshwa ngaphambi kokufakwa kulesi sikhwama.
Kubikwa umalume lo usehlale nalaba ababili iminyaka engaphezu kweyishumi.
Ikhansela laku-ward 9, uSiyabonga Nala, okhulume ne-Newzroom Afrika uthe lonke lolu daba lumshaqile njengoba ewazi kakhulu lo mndeni.
Uthe ngoMsombuluko amaphoyisa amthatha amyisa lapho kukhona khona ithuna lika”Thueleleni”. Umphakathi waseMolweni usashaqekile ngalolu daba.
UNala uqhube wathi amaphoyisa aluleke amalungu omndeni ngokuvula icala lomuntu olahlekile esiteshini samaphoyisa aseMariannhill ukuze amaphoyisa aqale ukuphenya icala lomuntu olahlekile.
Ulibofuzo luyaqhubeka ukuze kutholakale ukuthi isidumbu ngabe ngesikaThuleleni Shabalala yini.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
