Umhlaziyi wezepolitiki uthi ukwesula esikhundleni kukaDuduzile Zuma-Sambudla njengeLungu lePhalamende le-uMkhonto weSizwe kwakuyisinqumo esiphusile.
Usihlalo kazwelonke weqembu, uNathi Nhleko, umemezele eThekwini ngoLwesihlanu ukuthi uzokwesula esikhundleni.
Ukusula kwakhe esikhundleni kulandela izinsolo zokushushumbiswa kwabantu kanye nokwephula imithetho ye-anti-mercenary, okuhlobene nezinsolo zokuqasha amadoda aseNingizimu Afrika ukuba alwe empini yeRussia ne-Ukraine.
UZuma-Sambudla uphinde waquliswa icala eNkantolo Ephakeme yaseThekwini ngezinsolo zendima yakhe ayidlala ekubhebhezeleni izinxushunxushu zangoJuly 2021.
OLUNYE UDABA: Lihlehlile icala lokususa uthuthuva likaDuduzile Zuma-Sambudla
Umhlaziyi wezepolitiki, uSipho Seepe, uthi ukwesula esikhundleni kungase kuhlukanise izinsolo neqembu uqobo, eliholwa nguyise owayengumengameli wangaphambilini uJacob Zuma.
“Siphila ezweni lapho amathuba ezepolitiki edlange khona kakhulu, ikakhulukazi uma kuhlobene nanoma yini ekhuluma ngegama likaZuma.
“Ngakho-ke, ngicabanga ukuthi ukuhoxa kwakhe ukuze azihlukanise neqembu kanye nezindaba zangasese kuyinto enhle. Labo bantu abafuna ukubhekana noDudu kumele babhekane naye eyedwa.”
