Ummeli wase-Eastern Cape obanjwe ehamba ngesivinini esiphezulu emgaqweni ogwini oluseningizimu ye-KZN uhlawuliswe imali engu-R40 000.
Abakwa-Road Traffic Inspectorate bagaxa ozankosi uMonde Nzima ngenyanga ka-August ngemuva kokushayela ngesivinini esingaphezulu esingu-220km/h endaweni yesivinini esingu-120km/h ngesikhathi ehamba ngemoto yakhe yohlobo lwe-Merc ku-N2.
OLUNYE UDABA: Kudutshulwe kwabulawa abasolwa abahlalnu kudutshulwana namaphoyisa eGoli
UNdabezinhle Sibiya we-KwaZulu-Natal Transport uthi lo wesilisa oneminyaka engu-32 ubudala waseMtata wehlulekile ukuma lapho amaphoyisa ezama ukumvimba.
I-RTI yabe isimlandela yamfica ePark Rynie.
USibiya uthi uNzima uwavumile amacala okushayela budedengu nangokunganaki eNkantolo yeMantshi yaseScottburgh kuleli sonto.
