Ukusabalala kwesifo samatele kwenzeke ukuthi uNgqongqoshe wezoLimo nokuThuthukiswa kweziNdawo Zasemakhaya KwaZulu-Natal, uThembeni KaMadlopha-Mthethwa aphinde abize umhlangano wokuzodingida ngezindela namasu okulwisana nalasei sifo njengoba sikhinyabeza umnotho wesifundazwe, eCoastlands Hotel eMhlanga.
UNgqongqoshe ekhuluma uthe enye yezinkinga ezikhona edala ukusabalala nokwanda kwesifo samatele ikakhulukazi kwimfuyo yezinkomo wukuthi alukho uhlelo oluqondile lokuhanjiswa kwempahla isuka kwenye indawo.
OLUNYE UDABA: Abalimi besiFunda iLembe bazozuza lukhulu engqungqutheleni yezoLimo
Eqhuba ungqongqoshe uthe uma ngase abantu belandele imithetho nemigudu efanele yokuhanjiswa kwezinkomo zisuka kwezinye izindawo kungalula ukunqoba isifo samatele.
Lo mhlangano ubuhanjelwe yizikhulu ezivela kwizinhlaka ezahlukene abafuyi, osomabhizinisi odokotela bemfuyo bezodingida lolu daba lokubheduka kwesifo samatele esifundazweni, bethole nesisombululo.
