kudutshulwe kwabulawa abasolwa abathathu ngesikhathi bedubulana namaphoyisa eReservoir Hills, entshonalanga yeTheku.
Amaphoyisa atheleke ngokushesha ngemuva kokuthola imibiko yokuthi la basolwa bahlela ukuyogebenga emzini osendaweni.
Okhulumela amaphoyisa Kwa-Zulu Natal uJay Naicker uthe amaphoyisa abone imoto yabasolwa ngoLwesihlanu ntambama abe esehlangatshezwa yimvula yezinhlamvu.
OLUNYE UDABA:Kushayelwe ihlombe amaphoyisa aseNanda
UNaicker ekhuluma nabeNewswatch uthe, “Kutholwe izibhamu ezimbili. Amaphoyisa aphinde athola ibhomu emotweni. Amaphoyisa amabili adhuzulwe yizinhlamvu emakhanda ngesikhathi sokudubulana. La malungu amabili alashwe abezimo eziphuthumayo.
“Olunye uphenyo luveze ukuthi laba basolwa bebefunelwa amacala okugebenga izimoto zemali kusukela ngo-2021.
“Uphenyo lusaqhubeka ukuze kutholwe ukuthi akhona yini amanye amacala abasolwa ababandakanyeka kuwo. Izibhamu ezitholiwe zizohlolwa.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
