Kudutshulwe kwabulawa abasolwa abahlanu ngesikhathi bedubulana namaphoyisa eCrown Mines, eGoli, namuhla.
La basolwa kubikwa ukuthi bebelandelwa besuka eKZN kanti bayamaniswa necala lokubulala unogada ngesikhathi kubanjwa inkunzi imoto yemali eNorth Coast kamuva nje.
Kutholwe izibhamu ezimbalwa.
Kubikwa ukuthi amaphoyisa asebenze ngemininingwano yezobunhloli kubasolwa abebehlele ukubamba inkunzi imoto yemali eGoli.
OLUNYE UDABA: Kufunwa 12 wabantu abasolwa ngokubamba inkunzi imoto yemali ePMB
Imoto ebihamba abasolwa ibonakale kumgwaqo omkhulu uM1/M2, kuthe sebebona amaphoyisa basuka ngesikhulu isivinini.
Amaphoyisa abe eseyihubha le moto, abasolwa baqala badubula bebhekise emaphoyiseni, amaphoyisa aziphindiselela.
Imoto yabasolwa ibe isishayisa uthango, bonke abasolwa abebephakathi kule moto badutshulwe bashona.
Uphenyo lwakamuva luvela ukuthi, yona le moto ibibandakanyeka esigamekweni sokubulala nesokubamba inkunzi imoto yemali ngomhlaka-14 July 2025 eKingsley KwaZulu-Natal.
Umbiko wamaphoyisa uthi kutholakale izibhamu i-AK47, isibhamu esincane neziqhumane kule moto.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
