Namuhla ekuseni kubenomkhankaso wokuthungatha izigelekeqe ezibambe inkunzi imoto yemali eMgungundlovu.
Okhulumela amaphoyisa eKZN, uRobert Netshiunda, uthe izigebengu zihlasele imoto ngoLwesithathu, zalimaza omunye wabagibeli ngesikhathi kuqhubeka lolu hlelo.
OLUNYE UDABA:Kudutshulwe kwabulawa abasolwa ngokubamba inkunzi imoto yemali eKZN
“Amaphoyisa KwaZulu-Natal athungatha abasolwa ababalelwa ku-12 ababambe inkunzi imoto ethwala imali babaleka nesamba semali esingadaluliwe emgwaqeni uMurray ngoLwesithathu, lwangomhlaka-16 July 2025.
“Unogada oyedwa uthole amanxeba amaningi okudutshulwa wabe esedluliselwa esibhedlela esiseduze ukuze ezolashwa.
“Abasolwa kubikwa ukuthi baphuce onogada izibhamu ezimbili nezinhlamvu ngaphambi kokuba babaleke endaweni yesigameko.”
Kubikwe esinye isigameko sokubanjwa inkunzi imoto yemali ku-R34 eVryheid enyakatho neKwaZulu-Natal ngoMgqibelo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
