UNgqongqoshe wezeMidlalo, ubuCiko namaSiko uGayton McKenzie uthi uzokwethula ubufakazi kwikhomishini esungulwe nguMengameli Cyril Ramaphosa ukuze iphenye izinsolo ezenziwe nguKhomishana wamaphoyisa KwaZulu-Natal, uNhlanhla Mkhwanazi.
NgeSonto, lwangomhlaka-6 July, uMkhwanazi wasola ijaji kanye noNgqongqoshe wamaPhoyisa uSenzo Mchunu, phakathi kwabanye, ngenkohlakalo nokuthi basebenzisana nezigebengu.
OLUNYE UDABA: Amakomiti ePhalamende ahlangene ukuze aveze isu lokuphenya ngezinsolo zikaMkhwanazi
UMcKenzie ngoLwesibil ekhuluma nabezindaba zeNewsroom Afrika, uthe abantu baseNingizimu Afrika kufanele balungise u-popcorn wabo futhi balindele ukuzwa izembulo ezinkulu kukhomishini.
Uthe le khomishini iyisinyathelo esihle futhi izokwazi ukuphenya, iveze iqiniso. Uthe naye uzofakaza kukhomishini njengoba kunezinto azaziyo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
