Ama-Police and Justice Committee ePhalamende ahlangane namuhla ukuchaza ngamasu ayo okuphenya ngezinsolo zenkohlakalo nokugxambukela kwezombusazwe ekuphathweni kwe-SAPS.
La makomiti acubungula izinsolo zikaKhomishana wamaPhoyisa KwaZulu-Natal ngoNgqongqoshe wamaPhoyisa uSenzo Mchunu nezikhulu eziphezulu zamaphoyisa.
UMengameli Cyril Ramaphosa usenikeze uMchunu ikhefu, ezoqala ukusebenza ngokushesha.
OLUNYE UDABA: UMantashe uqokwe njengebamba likangqongqoshe wamaphoyisa
Lokhu kuza njengoba kusungulwe ikhomishini ezophenya ngezinsolo zikaNhlanhla Mkhwanazi.
UShadrack Sibiya, iSekela likaKhomishana wamaPhoyisa kuzwelonke obhekelele ukuhlonzwa kobugebengu, naye utshelwe ukuthi ahlabe ikhefu emsebenzini.
Isikhulu sakhe, uKhomishana wamaphoyisa kuzwelonke, uFannie Masemola, umazise ngalokhu izolo.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
