Kushone obehamba ngesithuthuthu engozini eyenzeke ePinetown, entshonalanga yeTheku.
Kuzwakale ukuthi le ndoda, okukholakala ukuthi ineminyaka eko-30 ubudala, ishayisane nemoto emgwaqeni uRichmond ngoLwesithathu ekuseni.
Abosizo lokuqala bathi imoto iphaphalazile yaphuma emgwaqeni.
OLUNYE UDABA: Kushone abantu ababili kwalimala inqwaba ezingozini ezahlukene eKZN
Okhulumela abe-ALS Paramedics, uGarrith Jamieson, uthe umshayeli wesithuthuthu ushonele endaweni yesigameko.
“Abantu abibili abebesemotweni bathole imihuzuko kanti balashelwe endaweni yesigameko ngaphambi kokuba baphuthunyiswe esibhedlela esiseduze ukuze bathole okunye ukunakekelwa.
“Okwamanje imbangela yenhlekelele ayikaziwa, nokho, abe-SAPS bebekhona kanti bazophenya kabanzi.”
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
