INkantolo yeSifunda eMelmoth igwebe indoda eneminyaka engu-30 ubudala udilikajele kulandela ukuvuma icala lokubulala ingoduso yayo ngoNovember 2024 endaweni yaseMfanefile.
Ngaphezu kwesigwebo, inkantolo ithe ayifanelwe wukuba nemvume yokuphatha isibhamu.
Ngosuku lwesigameko, ummangalelwa waya kubo kamufi efuna balungise izinto kulandela ingxabano ababa nayo. Umufi wayenomngani wakhe, ummangalelwa wacela ukuba abanike ithuba baxoxe ngasese.
Kuthe esehambile umngani, ummangalewa wagwaza umufi izikhawu ezingu-16 kanti futhi wabonakala esuka kubo kamufi ephethe ummese. Wazinikela emaphoyiseni aseMelmoth wahlambuluka waboshwa.
OLUNYE UDABA: Udilikajele kowabulala intombi yakhe mhla eyibuza ngezimali
UMshushisi uNomthandazo Mkhize ekhonga isigwebo esiqinile, wethule isitatimende sikanina kamufi asibhale eluswe wu-Amanda Pretty Nxumalo oyi-Court Preparation Officer. Esitatimendeni umama kamufi uthe indodakazi yakhe ibhlonipha futhi iwumuntu onakekela umndeni. Uthe umuzi wakhe usuphenduke indawo yesigameko futhi bahlala bekhumbula usuku nosuku.
Isigwebo sigcizelela ukuzimisela kwe-NPA ukulwela izisulu zodlame zithole ubulungiswa nabathandiweyo babo. Nakuba singekho isigwebo esingavala isikhala sokulahlekelwa kodwa sethemba ukuthi lokhu kuzowududuza umndenI.
