Izibalo zakamuva ezikhishwe yi-Statistics South Africa (Stats SA) zikhombisa ukuthi izinga lokungasebenzi elisemthethweni lehle ngamaphuzu angu-0,5% lisuka ku-31,9% kwikota yesithathu ka-2025 laya ku-31,4% kwikota yesine ka-2025.
I-Quarterly Labour Force Survey iveza ukuthi kube nokwenyuka okungu-44 000 esibalweni sabantu abaqashiwe laya ku-17,1-million, kanti isibalo sabantu abangasebenzi lehle ngo-172 000 laya ku-7,8-million uma kuqhathaniswa nekota yesithathu.
OLUNYE UDABA: UNgqongqoshe wamaPhoyisa uzokhipha izibalo zobugebengu zekota
Ngesikhathi esifanayo, isibalo sabantu abafuna imisebenzi asebekhathele ukuyifuna imisebenzi sakhuphuke ngo-233 000 safika ku-3,7 million, kwathi isibalo salabo abasafesa sehla ngo-110 000 safika ku-855 000.
