Umbango wesihlalo sobukhosi saMaZulu ubheke eNkantolo eNkulu yokuDluliswa kwamaCala namuhla, eBloemfontein,eFree State.
UMengameli uphikisana nesinqumo seNkantolo eNkulu sokuhoxisa ukuhlonipha kwakhe iSilo uMisuzulu kaZwelithini.
ISilo sithathe isihlalo sobukhosi ngo-2021 kulandela ukukhothama kukayise, iSilo samaBandla uGoodwill Zwelithini, kanye nomama wakhe obeyibamba.
OLUNYE UDABA: ISilo sesihoxise ukuzosingatha umdlalo weNedbank Cup eThekwini
Ngo-2023, iNkantolo eNkulu yakhipha isinqumo sokuthi uMengameli Ramaphosa wehlulekile ukulandela imigudu efanele.
UMntwana uMbonisi Bhekithemba kaBhekuzulu kanye noMntwana uSimakade kaZwelithini Zulu, phakathi kwabanye, baphikisana nokuba semthethweni kwazo zombili izinhlelo zokuhlonza nokuhlonishwa.
Kulindeleke ukuthi inkantolo iphinde ilalele izikhalo zalabo abaphonse inselelo, bethi bekumele inkantolo iqhubeke nokubeka eceleni ukuhlonzwa kukaMisuzulu njengeNkosi entsha kaZulu.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
