Amaphoyisa aphenya icala lokubulala kulandela ukutholakala kwezidumbu ezimbili, esowesilisa nesowesifazane endaweni yokuhlala yamaholidi eMargate ogwini oluseningizimu yeKwaZulu-Natal ngosuku loNyaka Omusha.
Okhulumela amaphoyisa uPaul Magwaza uthi lezi zithandani kukholakala ukuthi beziseholidini nomndeni wazo.
OLUNYE UDABA: Kuthungathwa abasolwa ababulale amalungu omndeni amane
Uthi kubikwe ukuthi umama wowesifazane wezwa ingxabano kwabe sekuqhuma izibhamu egumbini lazo izithandani.
UMagwaza uthi umama wowesifazane waya ukuyobheka ukuthi kuqhubekani wathola lezi zithandani zishonile, zinamanxeba okudutshulwa.
