Amaqembu abhekelele izinhlekelele asiqaphle isimo ngemuva kokuba ihhovisi lesimo sezulu likhiphe isexwayiso sokuduma kwezulu KwaZulu-Natal namuhla.
Izibikezelo zezulu zithi kulindeleke imvula enamandla ngaphansi kwesexwayiso sika-Level 4.
Kunxuswa ukuba izakhamuzi ziqaphele ezindaweni okubalwa kuzo Itheku, Abaqulusi, Newcastle, uThukela, uMlalazi, uMhlathuze, Nongoma nasoLundi.
OLUNYE UDABA: Kulindeleke ukuduma kwezulu okunamandla KwaZulu-Natal
“Izakhamizi zakulezi zindawo ziyanxuswa ukuthi zikugweme ukuwela imifula edla lubi noma uma uvaleleke emotweni ngesikhathi kunezikhukhula, phuma kuleyo moto uyishiye kanjalo, ubalekele endaweni ephakeme.
“Ezindaweni zasemakhaya, sicela uhambise imfuyo endaweni ephephile nephakeme,” kusho okhulumela iCogta eKZN, uSenzo Mzila.
Uthi amathimba abhekelele izinhlekelele asiqaphe ngeso lokhozi isimo sezulu kuso sonke isifundazwe.
Khonamanjalo iSouth African Weather Service yengeze ngokuthi kulindeleke ukuba kubemakhaza kuphinde kunethe ezindaweni ezisenkabeni nasentshonalanga yeKZN namuhla nakusasa.
Kuzomakhaza kakhulu ezindaweni eziphakeme eziseningizimu-ntshonalanga okungenzeka kube nokukhithika.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
