UMnyango wezeMfundo KwaZulu-Natal usuzwakalise ukukhulu ukukhathazeka kulandela isigameko sodlame esikoleni iGlenover Secondary School eThekwini, lapho kugwazwe abafundi abahlanu.
Esitatimendeni, uMnyango uthe okuqale njengengxabano encane enkundleni yomdlalo webhola lezinyawo ebiphakathi kwabafundi ababili evele yayindaba enkulu kwanokucwasana nangokwebala.
OLUNYE UDABA: Kubikwa ukuthi iKZN iyona ehamba phambili ngezibalo zokubulala ezikoleni
“Isikole silusukumele ngokushesha udaba, samisa abafundi abane abebethinteka odabeni,” kusho okhulumela uMnyango uMuzi Mahlambi.
Isimo sibe sibi kakhulu ngokuhamba kosuku ngesikhathi iqembu, okusolwa ukuthi belihlanganisa umzali nababengabafundi abangahlangene nengxabano, kuthiwa lihlasele abafundi.
“Ngesikhathi sesigameko, kugwazwe abafundi abahlanu.”
Isikole sibikele amaphoyisa ophiko lwe-SAPS kanye nomhlinzeki waso wonogada ozimele ngokushesha.
