Amaqembu ezepolitiki aphinde acela ukuthi abantu bakwamanye amazwe abalahlwe ngamacala babuyiselwe emazweni abo ukuze kuncishiswe ukuminyana emajele ezwe.
Kunabantu bakwamanye amazwe abangaphezu kuka-26,000 ababoshiwe ezindaweni zokuhlunyeleliswa kwezimilo, okubiza abakhokhi bentela imali engaba wu-R11 million ngosuku.
Kulo 26 000 weziboshwa kubalwa iziboshwa esezigwetshiwe nalezo ezisalinde ukuqula amacala.
OLUNYE UDABA: ‘Iziboshwa zakwamanye amazwe kumele ziboshwe emazweni azo’
NgoLwesine, i-ActionSA, i-African Christian Democratic Party (ACDP), i-Freedom Front (FF) Plus kanye ne-Democratic Alliance (DA) babalwa namanye amaqembu acele umthetho ophuthumayo ukuze kube lula ukuxoshwa kwabo njengoba iPhalamende Likazwelonke lixoxa ngomthelela wokuminyana kumalungelo abantu ababoshiwe.
Ngesikhathi sengxoxo exhaswe yi-African National Congress (ANC), ilungu lePhalamende (MP) uMogodu Moela uthe ukuminyana ezindaweni zokuhlunyeleliswa kwezimilo kuphazamisa imizamo yokuvuselela izimilo, ukubuyiselwa ngempumelelo emphakathini kwezigebengu ezilahlwe amacala, okokugcina ngamalungelo abantu kanye nesithunzi.
Amajele ezwe okwamanje agcina iziboshwa ezilinganiselwe kwezingu-168,000, okuholela esilinganisweni sokuminyana esingu-57%.
UDereleen James we-ActionSA uthe akwamukeleki ukuthi kusetshenziswe imali engaphezu kuka-R5 billion ngonyaka ukuhlalisa abantu bakwamanye amazwe abatholwe benamacala obugebengu eNingizimu Afrika.
