Amaphoyisa ophiko lweProvincial Organised Crime Unit (Narcotics), elekelelwa wuphiko lweProvincial Drug and Firearm Unit kanye nophiko lweProvincial Counterfeit Goods Unit, athathe izinyathelo zophiko lwezobunhloli mayelana nokukhiqizwa nokusatshalaliswa kotshwala obungekho emthethweni, ikakhulukazi ugologo endaweni yaseKlaarwater eMarianhill, eThekwini, izolo.
Bakhiphe incwadi egunyaza ukusesha kule ndawo, umsolwa, oneminyaka engu-31 ubudala, utholakale esizeni waboshwa ngokushesha.
OLUNYE UDABA: Ugaxwe ozankosi obekhiqiza utshwala obungekho emthethweni eKZN
Umsolwa uboshelwe icala lokwephulwa koMthetho Wotshwala kanye Nokwephulwa koMthetho Wezimpahla Zomgunyathi.
Kutholwe ugologo ongumbombayi ebiza u-R250 000 obukhiqizwa kule ndawo.
Umsolwa uvele enkantolo yasePinetown namuhla ekuseni icala lakhe lahlehliselwa olunye usuku.
IZITHOMBE:
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
