Abaseshi bavundulule ibhizinisi elikhiqiza utshwala ngokungemthetho endaweni esogwini olusenyakatho.
Amalungu amaphoyisa ophiko lwe-Provincial Counterfeit Contraband and Illicit Goods Unit aqhube umsebenzi wawo, eMhlali kuleli sonto, aholeleka epulazini eliku-R104 elisesithe.
Okhulumela amaphoyisa KwaZulu-Natal, uPaul Magwaza, uthe bathole imishini emikhulu esetshenziswa ukudidiyela, ukuhlanganisa nokupakisha utshwala emagcekeni akule ndawo.
OLUNYE UDABA: Uboshiwe obefihle u-R1.2 million phansi kombhede
Uthe kushaqwe utshwala obungekho emthethweni bemali eshisiwe engu-R1.5 million.
UMagwaza uthe: “Amaphoyisa ashaqe inqwaba yotshwala obubhaliwe obungaphezi kwesibalo esingu-26 000, amakesi angaphezu kwangu-60 abegcwele utshwala obungabhalwanga, amabhokisi otshwala bomgunyathi kanye namakhonteyina amahlanu e-ethanol angu-1 000 asetshenziselwa ukwenza lo tshwala kanti kushaqwe neloli ebelihambisa i-ethanol.”
UMagwaza uphinde wathi kuboshwe umphathi waleli bhizinisi ngecala lokukhiqiza nokusabalalisa utshwala obungekho emthethweni.
Umsolwa uzovela eNkantolo yeMantshi yaKwaDukuza maduze.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
