Amaphoyisa athi akusekudala abambe uBongani Mthimkulu, ongumsolwa osesele kwizigelekeqe okusolwa ukuthi zithumba abantu besifazane abasebasha enxanxatheleni yezitolo ezifundazweni ezahlukene.
Izifundazwe okubikwa ukuthi bebegasela kuzo kubalwa iFree State, Gauteng, KwaZulu-Natal, Limpopo, Mpumalanga kanye naseNorth West.
UMthimkulu ungumsolwa wesibili ecaleni lokubulala u-Olorato Mongale, amaphoyisa asamthungatha.
OLUNYE UDABA: Sekunomsolwa wesithathu ecaleni lokubulawa kuka-Olorato Mongale
Umsolwa obehamba phambili, uPhilangenkosi Makhanya, ushone ngesonto eledlule ngesikhathi bedubulana namaphoyisa eManzimtoti KwaZulu-Natal.
Isidumbu sikaMongale satholwa silahlwe eLombardy enyakatho yeGoli esikhathini ngesonto eledlule.
Okhulumela amaphoyisa kuzwelonke, u-Athlenda Mathe, ukucacisile ukuthi ubugebengu abakhuluma ngayo bekuyilobu bamalungu amabili okubalwa kuwo uBongani osagcwele amathafa noPhilangenkosi Makhaya owadutshulwa wabulawa ngesikhathi behilizisana namaphoyisa aseKZN.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
