UMnyango Wezasekhaya uthi uyazi ngokudedelwa komfundisi waseNigeria, uTimothy Omotoso yiNkantolo yesiFunda yase-East London.
U-Omotoso uvele enkantolo ngamacala ahlobene nokwephula umthetho i-Immigration Act, ngemuva kokuboshwa kwakhe enkabeni yedolobha e-East London.
Lo mfundisi udedelwe ngenxa yokuthi uMnyango wezaseKhaya awuzange ulandele imigudu efanele njengoba bekumele alethwe enkantolo engakapheli amahora angu-48 eboshiwe, amahora aphele ngo-7 ekuseni ngoMsombuluko.
OLUNYE UDABA: Uyavela enkantolo u-Omotoso kulandela ukuboshwa kwakhe ngempelasonto
U-Omotoso uze wavela enkantolo ngezithuba zabo-14:00 ntambama ngoMsombuluko.
UMnyango Wezasekhaya uthi uzocubungula ukuma kwawo uma ususithole isinqumo esibhalwe phansi.
Khonamanjalo, iNational Prosecuting Authority (NPA) isidlulisela phambili isinqumo seNkantolo eNkulu yase-Eastern Cape eGqeberha mayelana necala elibhekene no-Omotoso nabanye ababili, asolwa nabo.
IJaji u-Irma Schoeman uthole ngo-April ukuthi umbuso awuzange uveze ubufakazi obungangabazeki bokuthi u-Omotoso nalowo ayesolwa nabo bawenza amacala ababesolwa ngawo.
Laba babhekene namacala angaphezu kuka-30 ahlanganisa ukudlwengula nokushushumbisa abantu.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
