Abasolwa abane abebeqeda kugqekeza emzini womuntu badutshulwe balimala esigamekweni sokudubulana namaphoyisa ku-Underwood Road, ePinetown ngoLwesibili ntambama.
Amaphoyisa aphuthume esigamekweni sokugebenga ku-Oxford Road eParadise Valley ePinetown kanti ngesikhathi esondela kulo muzi abone imoto yohlobo lwe-VW Polo emhlophe ebizophambana nabo abe esezama ukuyimisa ngokushesha.
Umshayeli wemoto wayishaya indiva imiyalelo yamaphoyisa wabaleka. Amaphoyisa abe esegijimisana nale moto kwathi ku-Underwood Road abasolwa bavulela ngenganono bhebhekise emaphoyiseni.
OLUNYE UDABA: Kudutshulwe kwabulawa abasolwa abahlalnu kudutshulwana namaphoyisa eGoli
Ngemuva kwesigameko sokudubula, abasolwa batholwe benamanxeba okudutshulwa babe sebelashwa khona endaweni yeisgameko ngaphambi kokuphuthunyiswa esibhedlela sebeqashwe ngapaphoyisa.
Abasolwa batholwe izibhamu ezimbili, ithelevishini (Flat screen TV), ubucwebe nezikhwma ezimbili zakanokusho nenye impahla yasendlini esebenza ngogesi.
Njengamanje kuthungathwa umsolwa oyedwa okwazile ukuphunyuka amaphoyisa.
Abasolwa bazovela enkantolo uma sebeluleme.
IZITHOMBE:
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
