Kuboshwe indoda ebiyisiguli eLimpopo ngemuva kwezinsolo zokushaya unesi esibhedlela saseMalamulele.
Okhulumela uMnyango wezeMpilo eLimpopo, uKapudi Moagi, uthe ezintatha zangoMsombuluko, isiguli ebesingeniswe ewodini labesilisa ngemuva kokubandakanyeka engozini sanqaba ukulashwa.
“Ngaleso sikhathi le ndoda yabe isishaya unesi ithi kunezimpahla zayo ezingekho,” kusho uMoagi.
Kwabizwa amaphoyisa, okuyikho okuholele ekutheni kuboshwe isiguli ngecala lokushaya.
OLUNYE UDABA: Ukusha kwesibhedlela saseMshiyeni kushiye isiguli sishonile
Khonamanjalo, uNgqongqoshe wezeMpilo eLimpopo, uDieketseng Mashego, ukwamukele ukuboshwa ngokushesha komsolwa.
“Kumele siqinisekise ukuphepha kwabasebenzi bethu bezempilo. Udlame olubhekiswe kubo ngeke lubekezelelwe. Ngiyasibonga isinyathelo esithathwe amaphoyisa ophiko lwaka-SAPS kulesi simo,” kusho uMashego.
“Umnyango uzibophezele ekugcineni indawo ephephile kuzo zombili iziguli nabasebenzi bezempilo.”
– IOL
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
Slandele ku-Facebook no-X (owayekade engu-TwitterEditEditEdit
