Kuphoqeleke ukuba livale iminyango igatsha lebhange iStandard Bank kwathi amakhasimende nabasebenzi bona basala bethuthumele, eLadysmith.
Kubizelwe amaphoyisa endaweni yesigameko kaStandard Bank namuhla ekuseni kulandela ukubanjwa inkunzi yizigebengu ebezihlomile ngaphakathi ebhilidini.
Igatsha lisavaliwe njengoba amaphoyisa enza uphenyo.
OLUNYE UDABA: Kuthungathwa abasolwa ngokuzama ukubamba inkunzi imoto yemali eKZN
Ngokusho konogada obesebenza ngesikhathi sesigameko, izigebengu bezihlomile. Okwamanje kukholakala ukuthi kubanjwe inkunzi omunye wamakhasimende ngaphakathi ebhange. Akukacaci ukuthi zingaki izigebengu ebezikhona nanokuthi ikhona yini enye imali eziyithathile okungeyebhange.
Akukho ukulimala okubikiwe.
Abaphathi beStandard Bank abakaphawuli ngodaba kanti futhi leli gatsha lisavaliwe okwesikhashana njengoba amaphoyisa enza umsebenzi wobunhloli ngaphakathi ebhilidini.
