Sithi hala kuSweet Guluva ngemuva kokuhlabana ngesicoco se-Big Brother Mzansi Season 5 Umlilo.
Lesi sihlabani sikamabonakude esineminyaka engu-23 ubudala esidabuka endaweni yaseNquthu KwaZulu-Natal esizinze eKapa ngokuhlala sihlomule ngesamba semali ensingu-2 million wamarandi.
OLUNYE UDABA: IBafana Bafana ihlule iLesotho kowokuhlungela iNdebe yoMhlaba
USweet Guluva ogama lakhe lokuzalwa ngu-Akhonamathemba Mbele wazitholela abalandeli bakhe ngobuciko bakhe, ukubukeka kwakhe nokuzimisela kwakhe kulolu hlelo lwe-Big Brother Mzansi kanti uvotelwe ngamaphesenti angu-53.48.
U-Sweet Guluva ubeyintandokazi yabalandeli futhi bekunosaziwayo ababemlandela ngesikhathi somncintiswano.
IBig Brother Mzansi ihlanganise ozakwabo abangu-24 basezindaweni ezahlukene eNingizimu Afrika abebeqhudelana ngemisebenzi nezinselelo ezahlukene, izethameli zivotele ukuthi ngubani ezifuna ahlale kulo mdlalo agcine ephumelele.
Impela, umncintiswano ubushubile kanti abanye ozakwabo abane abebe hamba phambili endlini kube nguJojo okunguye ophume kuqala endlini ngo-1.80%, Nate ngo-3.45%, Nsuku ngo-9.60%, no-Uyanda ngo-31.67% nabo bazinikela ngakho konke kwaze kwaba isekugcineni.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
