Umasipala weTheku uthi sekuqediwe ukulungiswa kwepayipi elikhulu lamanzi eWiggins High Pressure Main.
Ithimba loMnyango wezaManzi lisebenze ubusuku bonke lilungisa ipayipi elingu-750mm.
OLUNYE UDABA: Kuzophazamiseka ugesi namanzi ezindaweni eziseningizimu yeTheku
Amanzi kulindeleke ukuthi aphinde avulwe kusukela emini namuhla. Nokho, ukuhlinzekwa kwamanzi kuzobuyela esimeni kancane njengoba amachibi amanzi edinga isikhathi ukuze agcwale.
Izindawo ezithintekile zihlanganisa i-Wentworth, Woodlands, Bluff, Austerville, Clairwood, Mobeni, Lamont, Glenwood, Westridge, Cato Manor, Umbilo nezinye izindawo eziseduze.
Umasipala udlulisa ukuxolisa kubahlali ngokuphazamiseka kokuhlinzeka ngamanzi okubangelwe ukulungiswa kwepayipi.
