Amaphoyisa abophe owesifazane oneminyaka engu-29 ubudala eTafelkop Village, ngaphansi kwesiteshi samaphoyisa iMotetema, eLimpopo, ngezinsolo zokudayisa nokuphatha izidakamizwa.
Lo wesifazane uboshwe ngoLwesine ngesikhathi kunomkhankaso wamaphoyisa wokulwa nezidakamizwa.
OLUNYE UDABA: Kuboshwe abasolwa ngokukhiqiza izidakamizwa eKZN
Kutholakale amaphakethe angu-12 esidakamizwa sohlobo lwe-heroin anesisindo esingu-200g, anenani elilinganiselwa ku-R12 000.
Uzovela eMotetema Magistrate’s Court namuhla ebhekene namacala okudayisa nokuphatha izidakamizwa.
Amaphoyisa athi uphenyo lusaqhubeka.
