Kuzophazamiseka ugesi namanzi ezindaweni eziseningizimu yeTheku

Izakhamuzi ezindaweni eziseningizimu yeTheku ziyanxuswa ukuba zilungiselele ukucisha kukagesi okuhleliwe kanye nokuphazamiseka kokuhlinzekwa kwamanzi kuleli sonto.

UMasipala weTheku uthi ukulungiswa kwamapayipi aphuthumayo kanye nokuthuthukiswa kweziteshi ezincane okuhleliwe kuzothinta imiphakathi eminingi.

UMasipala weTheku uthi ukulungisa okuphuthumayo kuyaqhubeka eWiggins High Pressure Supply Main ngemuva kokuqhuma kwezingxenye ezimbili zepayipi.

OLUNYE UDABA: ITheku liphenya ngokunqamuka kagesi okwenzeke enyakatho yeTheku

Ukulungiswa kuthinte ukuhlinzekwa kwamanzi ezindaweni eziningi zokugcina amanzi kanti ezinye izindawo zokuphuma zisavaliwe okwesikhashana ukuze kulondolozwe ukuhlinekwa kwamanzi ngenkathi ukulungiswa kuqhubeka.

Izindawo ezithintekile zihlanganisa i-Austerville, iClairwood, iYellowwood Park, iWentworth, iMobeni kanye neMontclair.

Izikhulu zithi kuzothunyelwa amathangi amanzi kulezo zindawo.

Izindawo ezithintekile kubalwa; iSea View, iWentworth, iWoodlands, iYellowwood Park, iBrighton Beach, iMerewent, iTreasure Beach, i-Ocean View, iLamonti kanye neJoe Slovo.

IDolobha lithi ukuphazamiseka kokuhlinzekwa kukagesi kuhlelelwe uLwesihlanu phakathi kuka-8:30 ekuseni no-4:30 ntambama ukuze umasipala ukwazi ukusebenzisa izinhlelo zokuvikela, njengengxenye yokuthuthukiswa kwesiteshi esincane sasePlangweni.

Izindawo ezithintekile:

IDolobha linxuse amalungu omphakathi ukuthi ucishe yonke impahla esebenza ngogesi ngesikhathi sokucishwa kukagesi okuhleliwe njengoba ungase ubuyiselwe ngaphandle kwesaziso.

Newswatch