Uphenyo ngokufshona kuka-Anele Tembe, ingoduso yomrepha ongasekho emhlabeni, uKiernan “AKA” Forbes kulindeleke ukuthi luqale namuhla eNkantolo yeMantshi yaseKapa.
Icala lahlehliswa ezinyangeni ezintathu ezedlule.
UTembe wawa esuka esitezi seshumi ehhotela eKapa ngesikhathi eno-AKA ngo-April 2021.
OLUNYE UDABA:
Icala langena ngo-April ukuqinisekisa ukulungela kwabo bonke abathintekayo ngaphambi kokuhlala kwecala.
Ngesikhathi uTembe eshona, imininingwane ephathelene nokushona kwakhe yayingacacile. I-National Prosecuting Authority (NPA) iqinisekise ukuthi kulindeleke ukuba ofakazi abayisithupha bafakaze ezinsukwini ezibekiwe.
Okhulumela le khomishana, u-Eric Ntabazalila, uthi imiphumela yophenyo izonquma indlela eya phambili yokuthi lolu daba luzoqhutshekiswa kanjani phambili.
UNtabazalila uthi imiphumela yophenyo ingadluliselwa kwi-NPA ukuze ithathe isinqumo.
