Izihlobo zomndeni wakwaMonswamy zizophinde zibhekane namadoda asolwa ngokubulala abathandiweyo babo ngesihluku uma udaba luqala kabusha eNkantolo yeMantshi yaKwaDukuza ngoLwesibili.
Okhulumela umndeni uVim Pillay ukuqinisekisile ukuthi umndeni wonke uzobe usenkantolo.
Abasolwa abathathu, abaneminyaka engu-21, 26, kanye no-28 ubudala, bavela enkantolo ngomhlaka-28 April, isonto ngemuva kokutholwa kwecala elibi okwashaqisa izwe. Umsolwa wesine usagcwele amathafa.
OLUNYE UDABA: Basenkantolo abasolwa ngokuqotha umndeni wakwaMonswamy
Abasolwa abazange bafake isicelo sebheyili ngesikhathi bevele enkantolo ngaphambilini.
Basolwa ngokuthumba u-Alan Monswamy, oneminyaka engu-52 ubudala, umkakhe uSandy, oneminyaka engu-57 ubudala, izingane zabo uKraidon, oneminyaka engu-26 ubudala, noShamaria, oneminyaka engu-20 ubudala, kanye nezihlobo uGonosagren Padayachee, oneminyaka engu-51 ubudala, uMooniamma Padayachee, oneminyaka engu-78 ubudala, noMariama Happanah, oneminyaka engu-83 ubudala. Kuthiwa bathathwa ekhaya labo eNewtown, eNewark, ngaphambi kokuba bahanjiswe eMelmoth, lapho ababulawa khona.
