INhloko yoMnyango wezokuFuduka nokuQiniswa koMthetho, uStephen van Neel, uveze ukuthi ama-90% abantu baseMalawi ababuthene endaweni i-Mayor’s Walk holdings ePietermaritzburg abanazo izincwadi ezibagunyaza ukuba seNingizimu Afrika.
Izinkulungwane zabantu baseMalawi abafudukile eThekwini ziyacutshungulwa ukuze babuyele ezweni labo.
UVan Neel uthi kunesidingo sokuqinisa ezokuphepha emngceleni.
OLUNYE UDABA:UShivambu noNgobese-Zuma bavumelana ngomkhankaso wokulwa nokufuduka okungekho emthethweni
Uthi, “Lokho ebesikubona eThekwini nabantu baseMalawi ikakhulukazi emasontweni amabili edlule, esikucubungulayo, okokuqala, u-90% wabo awunazo izincwadi.”
“Ungathola ukuthi abanye banama-passport, kodwa asephelelwe yisikhathi. Okunye ongakuthola ukuthi ngesikhathi abantu bengene ezweni, banikwa izinsuku ezingu-30 eBeit Bridge, kodwa, bona bahlala la izinyanga ezingaphezu kwezingu-12, ngisho neminyaka emibili.”
UVan Neel, engeza uthe, “Ngakho-ke leyo yindawo yojkuqala okusamele kuqiniswe kuyo isandla ukuze uma abantu befika ezweni, balandele yonke imithethonqubo.”
