ISekela likaMengameli uPaul Mashatile uthe ukungena ebhizinisini kuwukhiye wekusasa elingcono, esho ngenxa yezibalo eziphezulu zabantu abangasebenzi.
UMashatile ubethula inkulumo yosuku esikhumbuzweni soSuku Lwentsha lukazwelonke e-Potchefstroom esifundazweni saseNyakatho Ntshonalanga.
ISekela likaMengameli lengeze ngokuthi kubalulekile ukuhlomisa abantu abasha ngamakhono adingekayo ukuze babe osomabhizinisi, kuphumelele umphakathi.
OLUNYE UDABA: Ungqongqoshe wezokuThutha uxwayisa intsha ngezingozi zomgwaqo ngoJune
“Namuhla, sihlonipha intsha enesibindi futhi engesabi eyahamba phambili emzabalazweni wenkululeko ngoJune 16, 1976.
“Kungakhathalekile isimo sayo sobusha, intsha yango-1976 yama yaqina ngesikhathi ibhekene nenqubo yengcindezelo yombuso wobandlululo.
“Babhekana nokufa ngqo bekhuthazwa umbono wamalungelo alinganayo kanye nomphakathi onobulungiswa.”
[WATCH] Deputy President Mashatile says the government offers various programs to support young entrepreneurs. pic.twitter.com/vypJehZZcU
— SABC News (@SABCNews) June 16, 2025
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
